നാമൊന്നിച്ചിരുന്ന
കുളപ്പടവുകളും..
കൈകോര്‍ത്തു നടന്ന
വയല്‍വരമ്പുകളും
പുല്‍ത്തകിടികളും..
ഒടുവില്‍ നനഞ്ഞ
മഴയും, വാടിയ പൂപോല്‍
തളര്‍ന്ന മുഖവും..
പറയാതെപോയ
വാക്കുകളില്‍,
അലിഞ്ഞില്ലാതെ തീര്‍ന്ന
കണ്ണുനീരും..
എനിക്കായ് നീ കുറിച്ച
കവിതകളിലെ
വരികള്‍ പോല്‍ മുറിഞ്ഞ
മനസുമായ് പോകുമ്പോള്‍
വിടര്‍ത്തുവാന്‍ ശ്രെമിച്ച
ചുണ്ടുകളില്‍ ചുടു-
കണ്ണുനീര്‍ വീണു തുടുത്തതും
നീ ഓര്‍ക്കുന്നുവോ..?
ഇല്ലയെന്നറികിലും വെറുതെ....
ഞാനും ഒര്മിക്കുന്നില്ല..
സ്വപ്നങ്ങളില്‍ എന്നും
ഇവിടങ്ങളില്‍ തന്നെ ഒറ്റയ്ക്ക്
കഴിയുമ്പോള്‍ എന്താണ്
ഇത്ര ഓര്‍ത്തുപോകാന്‍..
മറന്നു....
ഇനിയും നന്നായി എഴുതുക
ReplyDeleteപ്രണയം മടുപ്പിക്കുന്ന വിഷയമാണ്
:-)